当小编每次睇到
“点解广州越来越少人讲广州话？”
“依家广州人都唔讲广州话啦... ...”
“依家嘅小朋友都唔识点讲广州话...”
之类嘅文章
都会觉得好伤感
作为南方地区重要嘅方言之一
广州话对每一个广州人黎讲都有好重要嘅意义！
经常都有人讲
要普及大家讲普通话
其实尼个係一种软暴力
令到你不得不放弃自己原本嘅第一语言！
其实广州话又叫“广府话”、“白话”，系粤语各个方言中最强势同最具影响力嘅方言，亦都系大家公认嘅粤语标准音。粤语文化绝对可以讲系博大精深，撑粤语系我地唔可以忽视嘅问题！
好多人都话
“依家已经无学粤语嘅必要”
“依家出去倾生意、或者系学校都系讲普通话多嘎啦。”
“粤语系边缘文化，学黎都无用...”
“普通话先系主流...”
每次听到人地讲呢D
我都好想问
粤语无用？你地知唔知粤语已经有好长嘅历史？
对于我地黎讲
粤语，系一种文化！
粤语从秦朝到依家，已经有近2200几年历史
秦汉 ——系粤语出现雏形嘅时期。
魏晋南北朝 ——由于战乱，大量中原士民到逃难到左岭南呢个地方，北方汉语不断对本地语言进行冲击。当时嘅古汉语同以前形成嘅古粤语相混合，进一步拉近左古粤语同中原汉语嘅差别。而呢个时期系粤语嘅成长时期...
唐宋 ——呢个时候嘅现代粤语依然可以对应翻宋朝《广韵》嘅发音，但系元朝以后，古汉语发音就已经对应唔到。所以唐宋都可以讲系粤语嘅定型时期。
元明清初 ——汉语同粤语嘅差别系元朝之后不停变大。从明朝到清朝中期，中原官话韵尾已经进一步消失，而粤语就平稳缓慢甘变成现代粤语。
清朝中末 ——清朝闭关自守，只系留低广州作为贸易口岸，很多外国人黎到中国，都系先接触粤语。而且呢个时期又有大量粤人移民到美洲、澳洲同东南亚之类嘅地方，粤语开始传播到世界各地。
好多人都话粤语难学
呢个系真嘅
因为粤语同普通话唔同
学起身都会复杂好多
但系好多时候，如果唔用粤语
好似表达唔到自己想表达嘅意思
而且粤语！系好有个性、好有特色嘅一种语言！
你地又知唔知？
音调、音节
粤语系音调、音节上都系比较丰富嘅。同普通话仲有其他方言相比，粤语有佢独自形成嘅音韵系统。比如讲：现代普通话只有阴平、阳平、上、去四声，但系粤语方言就有九个声调同两个变调。
特殊词汇
粤语之中特殊词汇好多。比如讲“菜”叫做“餸”，“能干”叫做“叻”，“什么”叫左“乜嘢”，“睡”叫做“瞓”... ...
广州话入边有好多都系形象生动
简单一个词就可以高度概况
▼
比如：八卦、即爱管闲事，爱讲是非；手信，送与亲友的礼物；醒水，指机灵；咁串，相当于趾高气扬；执生，指看着办；执笠，指商店倒闭；生猛，指生气勃勃；扮嘢，指卖弄；坳撬，指不顺畅，有龃龉；拍拖，喻为恋爱；拥趸，指坚定的拥护者；俾面，为赏面、给面子的意思，等等。
重叠词
口多多（多嘴），心思思（心想），眼白白（睁眼）等；或者将动词、形容词重叠，比如搞搞震（搞事），湿湿碎（琐碎）... ...
歇后语
扮猪吃老虎----诈傻扮懵；
年晚煎堆----人有我有；
阿茂整饼——无个样整个样；
老公扑扇——凄（妻）凉；
老婆担伞——阴公（可怜的意思）；
寿星公吊颈——嫌命长
好多时候
我都会觉得
有D话如果用普通话讲出黎就会无左果种”味道“
表达一样嘢
粤语可以表达得简洁有力！
所以粤语嘅存在，真系好有必要！
就好似依家嘅小朋友
睇嘅动画片普通话、返学讲普通话、就连同屋企人倾计都系用普通话
以前我地睇TVB嘅动画
依家嘅小朋友，都系睇喜洋洋...
但系无办法
周围嘅环境氛围都系普通话
小朋友又点样学好粤语呢？
我地要明白
粤语唔单止系广州人嘅语言
亦都系广府人嘅语言！
更加系岭南文化嘅一部分
系好需要我地去传承同保护嘅！
【特别声明！本文中的图片来自网络，版权归原创者所有！感谢作者分享，如有侵权，请通知删除！】
友情链接