Hello，大家好，欢迎来到本期推送，这期为大家回顾我们交流群的粤语学习课程二十一到三十课，有兴趣的朋友们欢迎进群，每天八点准时教学~
第二十一课：阅读
——你平时中意睇啲乜嘢书？
——历史书或者人物传记我都中意。
——你中唔中意睇侦探小说？
——中意啊！福尔摩斯系列我差唔多睇晒啦。
——听讲你最近买左几本爱情小说，好唔好睇啊？
——我觉得几好，你中意可以借俾你睇。
——我想去买书，你得唔得闲陪我去？
——好啊，我哋去购书中心啦，果度比较大。
第二十二课：音乐
——你平时中意听啲乜嘢音乐？
——我比较中意八九十年代嘅香港粤语歌，好襟听。
——听讲你玩乐器好叻喔？
——麻麻哋啦，之前弹开钢琴，宜家练紧吉他。
——你最中意边个歌手？
——我係周杰伦fans，由细到大都听佢啲歌。
——我车上啲碟听厌了，陪我去买几只？
——好啊，附近有间CD铺。
第二十三课：早餐
——你早餐通常食啲乜？
——翻工比较赶时间，我一般食块三文治饮杯牛奶就算了。
——早晨，食咗早餐未？
——食咗啦，今朝同屋企人去饮茶。
——今日起身晏左，冇食早餐。
——一日之计在于晨，唔食早餐唔健康噶。
——哇！你整嘅早餐又睇得又食得。
——多谢，你中意嘅话下次再整畀你食。
第二十四课：天气
——呢几日翻风，冻左好多。
——係啊，要着多啲衫，因住冻亲。
——今日天气好好啊。
——係啊，好大太阳，最啱出门啦。
——天气预报话今日傍晚会落雨。
——係啊，你出门小心啲。
——呢几日都落雨，唔知几时先好天。
——好似话下个礼拜先会好天。
第二十五课：下厨
——你识唔识煮餸噶？
——识啊，喺屋企成日煮。
——今晚煮啲乜？
——今晚整个白切鸡，蒸条鱼加个汤。
——要用啲乜嘢配料？
——葱、姜、蒜同辣椒。
——喺厨房咁忙，使唔使帮手？
——好啊，你帮手洗菜啦。
第二十六课：交通
——请问白云山点去？
——搭巴士到云台花园落车，行五分钟就到啦。
——唔该，搭地铁去体育中心使唔使转线？
——唔使，一号线搭到体育中心站就得啦。
——司机，过前面斑马线停得啦。
——好，唔该18蚊。
——听日十点钟机记得唔好迟到啊。
——知道啦，我八点去搭机场大巴。
第二十七课：家务
——你睇下你间房，乱七八糟咁。
——知啦，我等阵执。
——今晚我煮饭你洗碗。
——好，一于咁话。
——你屋企几耐搞一次卫生？
——一般一个星期抹一次家俬拖一次地，平时日日扫下地咁咯。
——琴晚洗嗰啲衫收左未？
——收左啦，我头先摺好了。
第二十八课：外卖
——点外卖咯，宜家点外卖差唔多嘎啦，送到过嚟啱好Lunch time。
——醒目嚄！
——你有咩想食噶？
——睇下外卖App度有咩餐厅先。
——喂呢间唔错嚄，满50减20，仲送可乐添。
——上次食过啦，好难食噶，不如呢间啦，贵就贵左啲，但味道真係唔错。
——快啦，拣好快啲落单啦，11点3啦！
——OK，搞掂，等食。
第二十九课：祝贺
——今日係你生日，祝你生日快乐！
——多谢晒！
——陈姨，呢盒补品係送畀叔叔嘅，祝佢早日康复出院。
——有心啦，要你咁破费。
——听讲你新店开张，恭喜晒喔。
——多谢！以后多啲嚟帮衬啦！
——恭喜发财！利是逗来！
——身体健康！心想事成！
第三十课：订位
——你好，呢度係广州酒家，有咩帮到你呢？
——唔该我想book张台，呢个礼拜五，即係8号嘅晚黑。
——你稍等一下……冇问题，请问你几位？
——六位，四个大人两个小朋友。
——请问大概几点钟到呢？
——六点半左右。
——先生贵姓？
——我姓陈。
——好，陈生，我帮你book左礼拜五，8号嘅晚黑6点半，六位。
——唔该晒！
——唔使客气，期待你嘅光临。
以上就是这期回顾的内容，感谢您的收听，我们下期再见，Byebye~
【如何加入我们？】
因微信群满100人，无法扫码进入。欢迎各位想进群学习的朋友们添加小编微信：huajinwan 或扫一扫，小编拉你进群。
![]()
友情链接