【学嘢】广东话你就识得讲,但系好多广东话后面的含义你又知五知呢

「歇后语」系广东话特有嘅文化之一，前半段为提示，让对方推敲出真正嘅意思。平时我哋口中经常讲嘅「牛皮灯笼」、「老猫烧须」、「阿茂整饼」嘅意思相信大家都耳熟能详，并已成为大众常用嘅四字词语。

但系以下10个唔系咁常见嘅歇后语，你又估唔估到佢哋嘅真正意思？

1. 扁鼻佬戴眼镜

意思：

无得顶，因扁鼻嘅人鼻梁难以顶起眼镜。

例句：
隔离屋小明去咗牛津读书呀，真系「扁鼻佬带眼镜」，无得顶！

2. 单眼佬睇老婆

意思：
一眼睇晒，因「单眼佬」只有「一眼」。

例句：
佢间屋有几大呀，「单眼佬睇老婆」啫，一眼睇晒啦！

3. 孔夫子搬家

意思：
全部输。因孔夫子多书籍，取「书」谐音「输」。

例句：
阿强你可唔可以借钱比我呀？我寻日过咗大海玩，谂住过下手瘾啫，点知「孔夫子搬家」，全部输！

4. 卖布唔带尺

意思：
存心不良。卖布嘅商贩一般有尺，方便按客人买几多码来量度，但商贩竟然无尺，即有心唔量度，取「量」谐音「良」，引申为「存心不良」。

例句：
个间舖黑店嚟架，根本就系「卖布唔带尺」，居心不良！

5. 番鬼佬月饼

意思：
闷极。番鬼佬暗指用英文说月饼，月饼英文是Moon cake，取其谐音为「闷极」。

例句：
今日铺头都无客嘅，咁鬼静，真系「番鬼佬月饼」咯！

6. 飞机打交

意思：
高窦。飞机一般喺高空飞行，而打交书面语可称为「打斗」，取「斗」谐音为「窦」。

例句：
听讲个明星好似「飞机打交」咁，好高窦！当正自己字宙第一国际大明星咁，又成日黑面，唔怪得无晒fans啦！

7. 跪地喂猪乸

意思：
睇钱份上。男儿膝下有黄金，如今又要「跪地」，又要做「喂猪乸」咁嘅苦差，当然系睇在钱嘅份上先会愿意做。

例句：
鬼唔知份工恶顶咩，但呢排无工开，唯有「跪地喂猪乸」，顶硬上！

8. 老公荷包

意思：
肤浅，老公即「丈夫」，荷包中有钱，取「夫钱」谐音为「肤浅」。

例句：
好心你扮人咪咁「老公荷包」，真肤浅！

9. 老公拨扇

意思：
凄凉，老公帮妻子拨扇，妻子乘凉，取「妻凉」嘅谐音为「凄凉」。

例句：
听讲佢最近比老细省咗一大轮，真系「老公泼扇」，凄凉咯。

10. 南无佬跌落屎坑

意思：
无晒符。「南无佬」身上一般带备「符咒」，但「跌落屎坑」后符咒就会湿晒，加上肮脏就唔可以用，因此取其意思「无晒符」。

例句：
今次佢公司咁蚀法，我谂佢老细真系「南无佬跌落屎坑」，无晒符咯。