飞B搞笑
粤语，又作广东话，是一种属汉藏语系汉语族的声调语言的，也是汉族广府民系的母语。粤语根源于中原雅言，含完整的九声六调，较完美地保留古汉语特征， 同时也是保留中古汉语最完整的语言。在学术界，它是除普通话外唯一在外国大学有独立研究的中国语言。同时，粤语也是最具娱乐精神的语言之一。以粤语作为言语的经典金句更是多如繁星——“做人如果无梦想，甘同条咸鱼有乜分别？”“唔通，连个天都唔中意我？”“你今日饮左未啊”
嘛嘛嘛·~~既然说到娱乐精神，就甭用这么正式的书面语嘛~做人最紧要开心！Let’s have fun! 不如，今天我地一于用粤语倾下计聊聊家常^ ^
No.1：食咗饭未？
参考答案：哩句同关心你“有冇食饭”咩关系都冇，纯属冇嘢搵嘢讲，就好似鬼佬见面讲“hello”一样。
下次再问我“食咗饭未”，我要你请吃饭！！！
No.2：最近忙紧咩？
参考答案：如果一个八百年都冇同你联系嘅人，打电话问你“兄弟啊，最近系度忙紧咩啊？”，请你做好心理准备，佢绝对唔系出于好友对你嘅关心，跟住落嚟，佢要讲嘅果句话，97%嘅系佢要结婚喇，准备好“人情”了。
爸爸，最近忙咩啊？ 我最近想买部苹果6Plus
No.3：嚟坐下使咩带嘢啊？
参考答案：千奇唔好以为对方真系唔想要你嘅东西。广东人系要面，特别去亲戚朋友度嘅时候，哩句官方嘅客套话，就会缓解唔少尴尬嘅气氛。但系你真系信咗哩句话，下次你如果两手空空去，佢哋又会话“哩个人真系孤寒鬼！”。
怪不得上次去姨姨屋企，她一边同我地讲“唔使拿野过黎啦”，一边将我地份礼物收落袋= =
No.4：最后三天，一件不留！
参考答案：系广州大部分地方，都会有D咁嘅店铺，打出咁嘅标语，如果你真系以为挥泪清仓，咁你就做咗傻仔喇，哩度嘅“三日”绝对唔好用72小时嚟衡量，过半年你再去，他仲系三日！
No.5：妈妈帮你存起D利是！
参考答案：听到妈妈讲哩句话，大家都会祈祷自己快D长大~你D利是钱，都系爸爸妈妈嘅人情债啊！如果真指望多年以后，妈妈将利是钱放系你面前，咁只可以讲，你捡到喇！~
估下我将利是收藏咗系边个妈妈发现晤到的角落^ ^
No.6：有事俾电话喇！
参考答案：哩话听完就算喇，千奇唔好当真。真系到有事嘅果天，你俾电话佢，结果肯定话：“真系唔好意思啊，我无能为力”。
唔使用电话了，有事用支付宝联系我！
No.7：已经系最低价，我要亏本喇！
参考答案：买嘅人永远冇卖嘅精，哩句千古不变嘅至理名言系任何时候都受用！佢嘅含义系“差唔多就得喇，唔赚钱我会卖俾你？"
No.8：上唔到等下一部车，下一部车马上嚟！
参考答案：哩句话绝对系司机俾乘客嘅一个定心丸，如果你仲有力向上挤，千奇唔好回头望，远处永远唔会有下一部车嘅身影，因为每部车嘅司机都系咁讲。
NO.9:唔好意思啊，我急住交班！
参考答案：千奇唔好同情讲哩句话嘅“的哥”，如果佢真系要交班嘅话，你系冇机会同佢讲，只可以讲，你去嘅地方唔值得去。
No.10：菜一阵就上！
参考答案：马上好？你点馒头，后厨系度割紧大麦呢，相信好多街坊都体验过！
上次点咗个印度薄饼，结果足足等咗成粒钟~唔通真系从印度运过黎既？真系够晒新鲜！
来源| 网络
友情链接