1、落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边排，排排都有十二粒，粒粒都係解放牌。
2、排排坐，吃果果，猫衣担凳比姑婆坐，坐烂个屎忽，唔好赖我，赖番隔离个二叔婆 。
3、点指兵兵,点指贼贼，点着谁人做大兵，点着谁人做大贼。
4、，十八岁，为国牺牲炸堡垒，炸到堡垒咯咯脆，全国人民流眼泪。
5、点虫虫，虫虫飞，飞到荔枝基，荔枝熟，摘满屋，屋满红，陪住个细蚊公。
6、呈沉剪，呈沉包，呈沉糯米叉烧包。老鼠唔食香口胶，要食豆沙包。
7、骑牛牛，牛牛走，牛牛响前咪回头，若然回头就打箩柚。
8、掟砖头，斗大够，一掟掟到西门口，溅起浪花抛浪头。
9、纸皮纸皮打纸皮，上上下下左左右右前前后后，咕碌咕碌一，咕碌咕碌二，咕碌咕碌三，准备开炮打敌人！
10、拍大骳，唱山歌，人人话我无老婆，嘀起心肝娶返个，有钱娶个娇娇女， 无钱娶个豆皮婆，豆皮婆，食饭食得多，屙屎屙两箩，屙尿冲大海，屙屁打铜锣。
11、嗳姑乖，嗳姑乖 ，嗳大阿姑乖要嫁后街。后街有啲乜嘢卖， 有啲鲜鱼鲜肉卖，重有鲜花戴 ，戴唔哂，落床头畀老鼠拉 ，拉去边 ，拉去大新街。
12、鸡公仔，尾弯弯，做人新抱甚艰难！早早起身都话晏，眼泪唔乾入下间，下间有个冬瓜仔，问安人老爷煮定蒸，安人又话煮，老爷又话蒸，蒸蒸煮煮唔中安人老爷意，大把拉盐又话淡，手甲挑盐又话鹹，三朝打烂三条夹木棍，四朝跪烂四条裙！咁好花裙畀你跪烂，咁好石头畀你跪崩!横又难，直又难，不如舍命落阴间!人话阴间条路好，我话阴间条路好艰难！
13、大食懒，起身晏；洗冷水，食冷饭。
14、收买烂铜烂铁，收买旧报纸，收买烂铜烂铁，收买旧报纸 ，旧报纸呀堆满屋，旧仔呀摆满厅，旧衬衫呀塞满房，问阿妈呀点算好，旧也好新也好。旧与新都可变宝。卖了它即可变钱。若要钱搵收卖佬 ，收卖佬天天上路，没理风吹兼雨打 ，一买一收一世乐，旧也好呀新也好，卖了旧报纸买噹噹糖，卖了旧仔买甘草榄，收买佬天天上路，旧也好他都当宝。
15、阿公仔，须扒扒，你饮酒，我饮茶，茶苦唔好食，酒醉唔好饮，我们快去外面玩泥沙。
16、斩料，斩嚿大叉烧。油鸡卤味样样都要，斩嚿大叉烧，哗！
17、打开蚊帐，有只蚊，有只蚊，快啲罗个拍来，快啲攞个拍来，拍晕佢、拍晕佢。
18、一只竹仔易折弯，几只竹仔欲折难，孤掌莫欺倚。团结方可有力量。大众合作不分散，千钧一发亦当闲，群策群力无猜忌，一期都好顺利，好。
19、大西瓜、多好啊，个个都像吃，大家分、切开它，味道顶呱呱，唔小心、吞左啦，圆圆几粒啊哎呀呀，问妈妈、点算啊，头顶长西瓜！妈妈笑住话，从春天，到冬天，时时有西瓜。
20、猪头丙，扮老醒，其实唔值个斗拧，肥腾腾，买旧猪肉去拜神，以为佢好醒，原来系个猪头丙；以为佢好Fit，原来系个大水节
21、何家公鸡何家猜，真怪诞呀又有趣，你望望公园里，有四百只公鸡咯咯咯，是何家都不知道，何家公鸡何家猜，何家小鸡何家猜，何家公鸡何家猜，何家母鸡咯，咯，咯，猴子哥哥熊先生，松鼠妹妹，牛叔叔，黃狗爸爸，羊妈妈，来猜来猜落。
22、齐齐望过去清溪里有只青蛙想跳水， 齐齐望过去山窿里有只獅子竟饮醉
23、凼凼转，菊花圆，炒米饼，糯米团，阿妈叫我睇龙船，我唔睇，睇鸡仔。鸡仔大，摞去卖，卖得几多钱？卖得三百六十五个仙。
24、1234567，肥婆跳舞跳第一，跳得高，裤头邋，跳得矮，唔好睇。
25、大笨象，揸支枪，去打仗，打完仗，翻来食碗辣椒酱，辣死大笨象。
26、跟人尾，食人屁，做人妹仔放臭屁
27、菊花问你几时开花，听日唔开后日开朵大菊花。
28、又喊又笑，乌蝇打叫，禽佬濑尿，老鼠行桥，行到西门口
比人打罗友。
29、啊妈话稍牙好，稍牙点解好，稍牙可以刨西瓜，落雨可以遮下趴，饮茶可以隔茶渣，仆街可以产泥沙，劈油可以挡两下！
30、地上执到宝，问天问地攞唔到
31、人人常欢笑不要眼泪掉，时时怀希望不必心里跳，在那人世间相助共济，应知人间小得俏，世界真细小小小，小得真奇妙妙妙，实在真系细细世界，娇小而妙俏
32、鸡公仔尾婆娑，三岁既孩童学唱歌，阿哥佢听教O罗，妈就开心哂咯，阿哥佢唔听话，妈就唔安乐。
33、洗白白，洗白白，倒开盆水啰，快洗白白。乖猪咪乱郁咋，听话唔好曳啰，倒开盆水啰，快洗白白，干净嘅细蚊仔，呢人人都中意。倒开盆水啰，快洗白白，污糟辣遢有问题，污糟辣遢有问题。污糟嘅细蚊仔，呢无人欢喜你。洗下对脚，洗下个头，洗下块面，洗下对手。肥嘟嘟嘅细蚊仔真系得人锡架啦。肥嘟嘟又白雪雪仲系度玩番皂泡。洗白白，洗白白，倒开盆水啰，快洗白白。乖猪咪乱郁咋，听话唔好曳啰。倒开盆水啰，快洗白白，洗下双脚，听日嫲嫲买对新鞋俾你着。洗下个头，听日做个建筑师立即起高楼。洗白白，洗白白，倒开盆水啰，快洗白白……
34、肥佬肥腾腾，买旧猪肉去拜神，行下行下屎忽痕，飞上天去打敌人，打到条裤变左条裙。
35、丑丑丑，丑甩耳仔送烧酒。
36、千金小姐万金油，请你嫁个湖南头！
37、岳母见女婿！口水爹爹渧
38、河边有只羊，河边有只象，河边有只马骝仔，好似你咁样！
39、边个话我傻傻傻.我请佢食烧鹅鹅鹅.
40、餐餐食猪骨,好过卑人屈
41、天马流星拳,送你入黄泉,庐山升龙霸,你个瓜窿大爆炸，星云锁链,打到你唔记得拉裤链。
42、阿妈话稍牙好，稍牙点解好?稍牙可以刨西瓜，落雨可以遮下趴，饮茶可以隔茶渣，仆街可以产泥沙，劈友可以挡两下！
43、样衰衰,比狗追
44、握握手，做个好朋友！
45、着鞋吾着袜，似个碌七
46、大姑丈，撞埋墙，大姑母，水瓜布
47、男人头,女屎忽,一世嫁唔出
48、月光光,照地堂,虾崽你乖乖瞓落床.听朝阿妈要捕鱼虾啰,阿爷看牛要上山坡,哦哦哦...... 阿崽你快高长大啰,帮手阿爷去看牛羊,哦哦哦......月光光,照地堂,虾崽你乖乖瞓落床,听朝阿妈要捕鱼虾啰！ 阿嫲织网要织到天光,哦哦哦......虾崽你快高长大啰,撑艇撒网就更在行,哦哦哦......
49、大笨象会跳舞，马骝仔会上树，长颈鹿会打筋斗，山猪山豹山羊，山中有只老羊，又见野狗与豺狼，松鼠斑马老虎，狮子花豹野牛，跳舞和唱多趣味，仲有青蛙咯咯咯，小鸭高叫QuackQuackQuack，歌声传遍这森林。
50、小明放督屁,臭天又臭地,臭到意大利.臭到意大利D人都无定lei
51、月光光，照地堂，年卅晚，摘槟榔，槟榔香，买紫姜，紫姜辣，买芙荙，芙荙苦，买猪肚，猪肚肥，买牛皮，牛皮薄，买菱角，菱角尖，买马鞭，马鞭长，买屋梁，屋梁高，买把刀，刀切菜，买镬盖，镬盖圆，买只船，船头高，船尾矮，浸死两个番鬼仔，一个浮头，一个浸底。 一个摸茨菰，一个摸马蹄。
52、噼友，噼友，快嘀走，走得快，好世界，走得摩，冇鼻哥。
友情链接