新版粤语三字经,超高能劲搞笑!

『搞搞震，冇帮衬』

意思：搞事破坏份子

用法：当个客要你改份设计改十次八次然后都唔要嘅时候你就可以讲有冇搞错啊真系搞搞震，冇帮衬！

『有姿势，冇实际』

意思：虚有其表

用法：当有条友次次打波D姿势都懒型，但系又波波都唔入嘅时候，你就可以讲呢句

『趁佢病，攞佢命』

意思：呢句话呢就系形容D衰人赶尽杀绝

用法：当你个fan最近一直系麻将台上输俾你嘅时候，你紧系趁佢病攞佢命啦

『有杀错，冇放过』

意思：宁愿冤枉多一个人都唔可以放过一个人。

用法：麻将台上一定系有杀错冇放过

『冇几耐，扮大袋』

意思： 大袋是香港的粗俗语，既是大人物，这句是沙尘嚣张咁解

『七八九，饮到呕』

意思：七八九是卡拉OK夜店的猜枚游戏。

用法：当你班猪朋狗友叫你去蒲嘅时候你就可以讲，唔去啦次次都七八九，饮到呕

『有得振，冇得训』

意思：大祸临头，振就系颤抖

用法：当你做咗十鸠几年嘢嘅公司突然话要大裁员，呢个时候就可以感叹一句今铺真系有得振，冇得训

『侧侧膊，唔多觉』

意思：得过且过，求求其其。

用法：当你发现你手下又想翻工偷鸡嘅时候你一定要大声讲！你唔好以为侧侧膊唔多觉我知道你想偷鸡早走咖！

『声大大，冇嘢卖』

意思：言过其实

用法：对住D街边攞住只鳄鱼龟话系前古神兽嘅呃人党嘅时候你就可以对佢讲喂你米鬼声大大，冇嘢卖啵

『有早知，冇乞儿』

意思：世事难料。

用法：当你老窦买又唔中死系度话后悔嘅时候你呢个时候就可以同佢讲，有早知就冇乞儿啦

『唔够班，执二摊』

意思：可以理解为“做后备,还不够资格”

『淡淡定，有钱剩』

意思：凡事处变不惊；剩，音「静」。

用法：当你个F买只股票跌到扑街惊到震晒嘅时候，你就可以同佢讲，唔洗惊淡淡定有钱剩

『乌啄琢，任人将』

意思：做人糊涂，容易被人骗。

用法：当你个fan俾个衰男人呃咗十鸠几次都唔醒悟嘅时候你就可以指住佢嚟话“你份人可唔可以唔好咁乌啄琢，任人将啊？”

『人吓人，好易晕』

意思：广东俗语云：人吓人无药医。意思谓畀人吓惨过俾鬼吓。

用法：当你个fan又静鸡鸡系转弯角过时吓你嘅时候你就可以话“顶你咩，人吓人，好易晕咖”

『笑骑骑，放毒蛇』

意思：笑里藏刀,指人阴险

用法：当有人问你果个成日背后捅人刀嘅同事你就可以同人讲“佢份人成日都笑骑骑放毒蛇”