粤语讲嘢一掟弯,漂移劲过秋名山
2021-10-02 23:40:01
上边所讲嘅「茅根竹」其实系一种特殊嘅歇后语，将固定短语最后嘅字或者词语隐去，保留嘅部分叫“引”，隐去嘅部分叫“注”。
比如上边提到嘅「茅根竹」，其实系「茅根竹蔗水」嘅缩脚语。
缩脚语使用时，说话人往往会只讲“引”, 唔讲“注”，“引”同“注”无意义关联，“引”仅起到带出“注”嘅作用。
听者听到「茅根竹」，自然会联想起后半部分嘅「蔗水」，谐音就系「借水」。
缩脚语并非粤语独有，上海、苏州等地嘅方言均存在缩脚语，大多来源于市井人民嘅幽默感，但到咗七十年代左右，缩脚语就慢慢被淡化淘汰，依家知道又识用嘅人就越嚟越少。
粤语之中都有唔少鬼马嘅缩脚语，你再老司机，都要转个弯先明白实际意思。
解析：“云吞面”系广州最出名嘅食物之一，一提到“云吞”，广府人下意识就知道系暗喻“面”。
原句意思：等我一阵，我去洗下块面先。
解析：“三军司命”为熟语，出自诸葛亮嘅《将苑》，只讲“三军司”，而“命”字已在不言中透露。
原句意思：再唔走，我就攞你条命！
解析：“酸姜荞头”爽脆咸酸，系好多大肚婆非常中意嘅腌制小食，“酸姜荞”就系一个经典嘅缩脚语，暗喻后面嘅“头”字。
原句意思：望咩啊望，同我耷低你个死人头！
解析：完整词语系“祖宗三代”，讲「祖宗三」系为咗引出个“代”字，本场景下“代”与“袋”同音，指代衫袋同裤袋。
原句意思：你咪鬼挂住睇热闹，睇紧自己个袋好过啦！
解析：“柴可夫斯基”系外国人名，“斯基”同“司机”同音，好多人就用「柴可夫」隐喻“司机”。
原句意思：今晚条女返夜班, 我又要做御用司机送佢返屋企！
上边嘅缩脚语之中，我哋较为熟悉嘅应该就系「柴可夫」，时移世易，依家讲嘢或者唔使下下转个弯，但我哋应该要知道呢啲曾经存在过嘅粤语。
下次人哋话你「茅根竹」，你就要醒水啦！
唔讲住，赶住去蒲，周末愉快！
素材出自《香港粤语常用语研究》、广州文史等
羊城网负责整理编辑
![]()
友情链接