今日小编想落街买牛杂
点知行咗N条街
搵间便利店
吃咗鱼蛋
前几日同小编朋友个仔倾计
大概五、六年级
点知佢居然有好多广州话都讲唔准
甚至系唔识个别好地道嘅广州话系咩意思
谂起以前细个
睇“煲冬瓜”嘅卡通片都怕俾人笑捞仔
放学一班人赶住翻去睇
《龙珠》、《宠物小精灵》、《数码暴龙》
而家广州人嘅细路仔系睇
《熊出没》、《铠甲勇士》、《魔力宝贝》
唔知你有冇发觉冇一出系粤语配音
冇咗我地细个嘅果种同声同气嘅感觉
讲起细细个一班人系街头玩到街尾
“黏墙黏木黏玻璃”、“救人木”等等
而家系条街好难见到一班细路你追我赶嘅情景
随住城市不断变迁好多家庭都搬咗入高楼大厦
街坊街里之间互相都唔认识
好有可能住系你隔离系边个都唔识得系边位
再大d，一班老友围埋一堆一打
可能得隔离屋嘅小明有部任天堂GAMR BOY
跟住就一堆小伙伴围到水泄不通
睇佢一个系度玩
同佢特别fan嘅就借俾你玩一两盘
而家细路都人手一部IPAD
个个低下头各玩各
全程零交流
如果系以前我地想搵多部GME BOY都难
不过胜在一班细路柴娃娃话点玩点玩
一齐有倾有讲
谂起十几、廿年前嘅广州
“你去隔离借条葱，我嚟问你借下盐”
街坊街里大家都好似一家人咁
街坊街里之间都系同一个单位嘅工友
果时嘅感觉真系俾人觉得
“远亲不如近邻”
你可能同隔离屋嘅小明、隔离楼嘅妹猪系同一个小学
一班细路哥，放学等埋一齐翻屋企
揸住5蚊鸡已经可以喺去士多豪翻几把
就好似宜家拿住张冇限额嘅卡去超市果种感觉
放学路上买翻樽沙示、仲有一包咪咪、或者肥牛
一班人由细玩到大嘅小伙伴
一路行翻屋企一路食
都不知几过瘾...
最近有一次落街
想话去楼下士多买支玻璃樽沙示、吃碗街口嘅牛杂
点知楼下嘅士多已经变成咗便利店
仲有街口果间推住车仔嘅牛杂唔知几时已经冇做
最后唯有去便利店买咗杯自由斟、吃咗几粒咖喱鱼蛋
以前
如果系屋企肚饿
可能着住对人字拖就落街吃碗6蚊嘅大云面
而家系屋企肚饿
可能你唯有去附近将就吃碗潮汕牛丸粉
仲要起码15蚊先有得交易
而家嘅广州都唔同嗮咯
细个嘅广州
BYE
【特别声明】部分文章素材源于网络，版权归原作者所有！
友情链接